ازاى نحسب طول البكرة اللى حنشتريها من غير ما نمترها بايدينا⁦⁦⁦

المنشورات اللى فاتت شوفنا ازاى نعرف الخامة اللى اشتريناها ٤٨ أو ٥٥ أو غيرها وده عن طريق معرفة وزن المتر من البكرة اللى معانا (عايز تعرف زورنا فى صفحتنا وحتلاقى المقالات اللى حتفيدك كتير)

طيب دلوقتى عايزين نعرف طول البكره مظبوط ولا مش مظبوط ؟

خليك معايا هما تلت خطوات حنعملهم حنوصل حلطول

١- اول حاجة يا سيدى حنوزن متر من البكره اللى حنشتريها بميزان جرامات ، طيب لو معنديش ميزان يبقى حقولك الأوزان القياسية للمتر من البكر وهى كالاتى :-

-متر البكر ٧.٩ للخامة ٤٨ =٣.٧٣جم

-متر البكر ٧.٩ للخامة ٥٥ = ٤.٣٤جم

-متر البكر ٥.٧ للخامة ٤٨ = ٢.٧٣جم

٢- تانى حاجة نوزن البكرة كلها بالكور اللى فيها ايوه بالكور عشان حنخصم وزنه بس فى المعادلة اللى جايه وهى :

طول البكره = (وزن البكره كلها – وزن الكور) ÷ وزن المتر من البكره

ملحوظة : (وزن الكور من بكر ٥.٧ هو ٣جم تقريبا ، ومن بكر ٧.٩ هو ٥جم تقريبا)

مثال توضيحى على المعادلة :

لو فى بكر كاشير خامة ٤٨ حنشتريه ووزنا بكره منهم طلعت ١٠٠جم ووزنا متر واحد من البكره طلع ٣.٧٣جم ووزن الكور اتفقنا أن هو ٥جم ، كده حنطبق المعادلة بسهولة لمعرفة طول البكره بالطريقة دى :

طول البكره = (١٠٠-٥) ÷ ٣.٧٣= ٢٥.٤ متر

وكده اتأكدنا قبل ما نشترى من عدد أمتار البكره ومن غير ما نمترها بشكل يدوى